2,300 views
被求婚後先讀Law
我呢個夢，發得成，首先要多謝我老公。
佢求完婚之後，我就膽粗粗同佢講，我想去讀law。估唔到佢冇阻止，仲身體力行支持我。我成日諗返起，其實佢會唔會諗住結左婚可以公一份，婆一份，冇諗過落左訂之後就公「兩」份。
雖然工作穩定 但仍有一個律師夢
我辭左人工幾好嘅marketing工作，雖然份工好穩定，對於結婚生仔嘅女士黎講係一個幾好嘅環境，但我唔想由少女做到變少婦都係咁，結左婚就係人生嘅墳墓咁，唔再追求進步。究竟中女，係唔係仲可以發夢呢？於是我就開始讀law，同一時間，我都開始左係一間本地中型律師樓做paralegal由低做起，希望可以以最短時間去活學活用法律知識。
剛開始讀Law 不敢和其他人分享
一開始讀law，完全唔敢同人講。因為我聽到太多人讀JD讀唔好，又有好多人話PCLL好難入。但我覺得，既來之則安之，開始左就俾心機讀啦。第一個法律證書課程，我係Distinction 畢業。
之後老師叫我不如skip左個diploma 直接上CPE。開頭都有D驚，覺得自己可能未夠料，但又係勇字係心口，既然老師信我得，一於試下啦，於是我就開始左讀CPE。好多人都問我點解唔讀JD。原因係JD太貴，我怕自己俾左錢又讀唔上，於是決定刀仔剧大樹，唔好俾自己太大壓力。CPE個2年，我都係Distinction 畢業。
Top up MMU LLB 先開始有信心 拎埋TC Offer
去到最後一年top up MMU LLB，個人先開始有少少信心。我唔再介意俾人知道我係讀緊law，什至鼓勵人去讀law。我好慶幸我工作嘅律師樓俾我好大自由度同彈性，會俾足夠時間我去讀書應付考試。當我考完LLB最後個試，同一時間我都收到律師樓俾我嘅TC offer。
今日，下午4點，我永遠都記得我打開email個心情。我呢個中女，竟然收到HKU PCLL Full Time Offer! 我唔敢相信見到嘅事實，第一件事即刻print左封email出黎，前後睇左2次，爭D係copier room到喊出黎。
前後4年時間 回頭一看已走得很遠
1年法律證書+2年CPE+1年LLB，前後4年時間，原來我已經行到好遠。
終於，我真係拎到當日發夢先拎到嘅PCLL offer!
我真係好慶幸當日選擇左轉行，俾自己有一次咁任性同咁盡力去追求一樣野嘅機會。多謝我老公，4年來上堂落堂，管接管送，風雨不改。陪我係屋企讀書，成日被逼聽我講case law，又幫我周圍搵我想買嘅law books。
另一個要多謝嘅人係我老爺。佢一直都好鼓勵我讀law，仲話佢當年其實都想做大狀架，係最後去左做會計師咋嘛。好可惜佢幾個月前因病過左身，但我知道，今日我收到PCLL offer時，佢其實都係到睇住我 🙂
繼續向「律師夢」進發
夢就仲未發完，路仲有一半要行。中女挑機成功，希望各同路人都愈飛愈高！
本文由投稿者撰寫。
僅供大眾討論之用，而不代表本平台的觀點和意見。
如有任何法律需求，請聯絡我們+852 6215-8834 或 用我們法透的平台尋找專業的律師吧！
(FB@LegalClarus / IG@Legal.Clarus)
歡迎追蹤我們的專頁，留意更多法律小知識！
若您想和我們分享有關法律的經歷或故事，歡迎在專頁上私信投稿，一起交流討論！
如有任何法律上的煩惱
—
① 𝗟𝗖 法透新功能 ➪「問律師」免費匿名詢問你的法律問題
② 直接上𝗟𝗖法透主頁搜尋心宜的律師
③ 𝗗𝗠我們 為你配對合適的律師
Related
