淺談本地細行做Trainee 經歷 (下)

淺談本地細行做Trainee 經歷 (下)

 24 views

上回提及在本地細行的好處,這一篇會講解一下相對無咁好既地方!

1.自尊心

同行:叫得“細行”,係同行律師班友仔印象黎講,可以話係屬於最低Level果層,如果I-Firm、本地龍頭大行係叫英超,Magic Circles 係英超頭四,本地細行唔係叫做英冠、而係屬於英甲。I-Firm做緊Trainee果D通常同天文數字金額既deal有關,你同佢哋試下講你係細行做緊既野,例如:為緊少左幾個0既金額事情打官司,佢地係完全唔會理解到架,因為大家根本係2個完全唔同既Channels度講緊野。

朋友:第一印象: “正啦叻啦,做律師唔識人啦~”直到佢地聽到你既人工:“嘩阿Chris(Chris Chan),我真係估唔到窩,真係估唔到窩!點解會咁樣既?同我由細到大對律師既印象有好大出入窩!”

鄉親父老:睇吓佢地本身了唔了解香港律師職業情況(通常大部份都唔係好清楚架喇),點樣都好,佢地一般都會當你係一隻“藍籌股”,覺得 “陳家出左第一位律師,阿Chris終於成才”,為你感到無比驕傲,望你果副眼鏡、對你既態度都突然之間感覺唔同d!

老闆本身:搞笑地方係,老闆有時講既野都會搞到我地好自卑!講起I-Firm果陣,會突然好感嘆咁自嘲公司係小公司、養得起班伙計已經好滿足架啦。跟住有時同同業飲完茶返來果陣,又會話我地真係好好彩窩,復述返佢同業果幾間Trainee都係得萬五蚊咋。“拿,阿Chris、Peter,你睇吓我對你地幾好(佢已經assume果幾位同業係代表成果市場?)。唉,真係忍唔到啦,Sandy,今個月底出糧同我係阿Chris 同Peter張糧票度各扣返2千,先合理,哈哈哈哈!”😱🥶😨😰

發表回覆